23.2.06  

Alltaf þegar að Jón Ingi kemur í land, sem er einu sinni í viku, högum við okkur alltaf eins og við séum í útlöndum. Við gistum á hóteli, erum allan daginn í bænum að versla og eyða peningum í óþarfa og borðum á fínum veitingastöðum í öll mál. Síðan eftir að hafa kíkt yfir eyðslu dagsins segjum við alltaf við hvort annað að á morgun skulum við sko hafa stjórn á okkur. En hvað gerist nú það er farið í Sævar Karl og 25 þús króna prada gallabuxur keyptar og það eru skoðuð stígvél sem kosta næstum jafn mikið og vinnubíllinn okkar og gleymum ekki sebrahesta töskunni sem að ég hreinlega verð að eignast. Eftir að hafa svikið öll fögur loforð um að eyða minna fer elskan aftur út á sjó með loforð í vasanum um að svona ætlum við ekki að haga okkur næst þegar hann kemur. En alltaf er það sama sagan í hverri einustu viku. Ég er annsi hrædd um að við þurfum að finna okkur annað áhugamál.

   sagði Lára kl 11:48
----------

   16.2.06  

Jæja Mæja systir komin með blogg. Allir að kíkja á hana. Eflaust eitthvað sniðugt sem hún hefur að segja frá. Enda er hún systir mín án efa ein sú óheppnasta í bransanum. Það er alveg magnað hvað kemur fyrir hana. Ég þekki til dæmis engan annan sem að hefur verið í gifsi á höndunum 18 sinnum yfir ævina. Og þá er ég ekki að tala um lappirnar eða skiptin sem að hún hefur verið saumuð. En allavega endilega allir að kíkja á Mæju pæju.
Annars er nú mest lítið að frétta af mér sjálfir. Kallinn farinn aftur út á sjó eins og vanalega. Setti mig í samband við fasteignasala í morgun. Og hann ætlar að hjálpa mér að finna drauma íbúðina okkar, eða eitthvað nálægt því allavega. Þetta gerist víst ekki af sjálfu sér, það er alveg á hreinu. Jafnvel þó svo að ég hefði ekkert á móti því að þurfa ekkert að hafa fyrir þessu. Annars er helgin bara alveg að koma og ég verð bara róleg að vanda. Ó jæja ætli það sé ekki best að hætta þessu blaðri í bili og fara að gera eitthvað af viti.

   sagði Lára kl 15:25
----------

   14.2.06  

Ohh Guggga gæs búinn að skora á mig að gera einhvern fjandann. Jæja ætli maður verði ekki að fylla þetta út.

4 störf sem að ég hef unnið um ævina
1. Í sjoppu
2. Sem þjónn
3. Í lobbyi
4. Sem hótelstjóri

4 bíó myndir sem að ég gæti horft á aftur og aftur
1. omg gæti horft á svo margar myndir aftur og aftur því ég sofna alltaf:)
2. Shaw shank redemtion
3. Lion king er alltaf svo krúttleg.
4. man bara ekki eftir að hafa séð fleiri myndir um ævina:)

4. staðir sem ég hef búið á
1. Hafnarfjörður
2. Reykjavík
3. Vestmannaeyjar
4. Stykkishólmur

4. Sjónvarpsþættir sem mér líkar
1. Friends
2. CSI
3. Lost
4. Desperate Housewifes

4. staðir sem ég hef heimsótt í fríum
1. Costa Del Sol
2. Marmaris Tyrklandi
3. Portúgal
4. Boston

4.bækur sem ég les oft
1.DV
2.Fréttablaðið
3.MBL
4.Bækur eftir Mary Higgins Clarke

4.staðir sem ég vildi heldur vera á núna
1. Heima hjá mér
2. Tyrklandi
3. Bahamas
4. Einhverstaðar með manninum mínum.

4 vínkonur sem ég skora á að gera þetta
1. Maja systir
2. Hafrún systir
3. Tinna
4. Unnur

   sagði Lára kl 12:10
----------

   8.2.06  

Fór til einkaþjálfarans í morgun eins og alla aðra miðvikudaga. Þvílikt gott að láta píska sig áfram. Þarf ekkert smá á því að halda, maður er alltaf of góðir við sjálfan sig, jafnvel þó svo að það sé ekki meiningin. Jón Ingi fór aftur á sjóinn í gær stutt stopp bara einn dagur. En við nýttum þennan stutta tíma ekkert smá vel. Borðuðum hádegismat á Fridays annan daginn og Quiznos hinn daginn. Skelltum okkur síðan á Lækjarbrekku á mánudagskvöldið ummm fékk mér hreindýra carpaccio í forrétt og humar í aðalrétt og Jón Ingi fékk risahörpuskel og villibráðar veislu. Ekkert smá æðislegt kvöld í alla staði. Núna er bara að bíða eftir næsta mánudegi því þá kemur hann aftur:)

   sagði Lára kl 12:21
----------

   3.2.06  

Ohhh Jón Ingi er búinn að vera úti á sjó síðan á mánudag og það er búið að vera símasambandslaust allan helvítis tímann og ég er að verða geðveik. Það er ekkert smá sem að það skiptir máli að heyra í honum reglulega. En jæja nóg af væli í bili. Helgin framundan og svona þarf nú reyndar að vinna slatta um helgina en ætla þá bara að vera í fríi á mánudag í staðin. Sem er auðvitað mjög gott því þá kemur sæti í land. Annars er ekkert mikið meira að gerast hjá mér í bili. Ræktin og vinnan eru allt og sumt. Ég fer mér þá allavega ekki að voða á meðan. Verið stillt:)

   sagði Lára kl 14:37
----------