14.11.05  

Enn ein rólega helgin afstaðin. Úff það mætti halda að maður væri orðinn 100 ára svo mikil ró er í kringum mann. Það er örugglega meira fjör á elliheimili ég sver það. Kíktum nú reyndar á kaffihús á laugardagskvöldið og svo í bíó á eftir, fórum á Corpse Bride hún er alveg fín sko.
Síðan var bara rúnttað í Hvergerði í gær að heimsækja tengdó. Vorum í mat læri og fíneri svaka gott alveg.

   sagði Lára kl 14:26
----------

   11.11.05  

Úhhh það styttist alltaf í reunionið er orðin ekkert smá spennt. Þetta verður án efa hrein snilld enda ekkert nema snillingar sem voru með mér í grunnskóla. Er nú búin að vera ósköp róleg í djamminu, ekkert búin að gera í tvo mánuði þannig að það er sko til nóg orka fyrir 26.nóv.
Er annars bara enn að vinna. Er nú yfirleitt búin mun fyrr en þar sem að ég gaf einni lobbý stelpunni frí í þrjár vikur og gat ekki reddað vaktinni í dag er það í mínum verkahring að vinna hana. Enda er það ekkert mál, alltaf gott að halda sér við.

   sagði Lára kl 18:03
----------

   7.11.05  

Tyrkland var algjört æði. Ætlum sko bókað að fara aftur á næsta ári. Versluðum endalaust af gulli, demöntum, leðri og annari munavöru. Fórum tvisvar sinnum í siglingu þar sem var bara legið í sólbaði og synt í sjónum allan daginn milli þess sem áhugaverðir staðir voru skoðaðir. Skruppum í dagsferð til Rhodos sem er alveg yndisleg lítil eyja sem verður pottþétt heimsótt aftur. Borðuðum nautasteik á hverju kvöldi og egg og beikon í morgunmat alla morgna. Drukkum marga lítra af tyrknesku tei og létum baða okkur hátt og lagt og nudda með heitum steinum eftir erfiða daga. Jón Ingi rakaði sig aldrei sjálfur heldur fórum við alltaf á rakarastofu. Semsagt algjör draumaferð, manni leið bara eins og prinsessu allan tímann.
Á næsta ári ætlum við samt að fara á eigin vegum og ferðast svolítið um, fara t.d til Istanbul og eitthvað svoleiðis.

   sagði Lára kl 09:05
----------