17.8.05  

Jamm og já, ekki nema rétt fjórar vikur þangað til ég kem heim. Æj það verður ljúft. Get eiginlega varla beðið. Samt búið að vera alveg fínt en fjórir mánuðir eru eiginlega alveg hámarkið af svona einangrunn. Ætli maður verði ekki bara hálfsmeykur við Reykjavíkina til að byrja með hérna eru t.d. mun fleiri rollur en bílar en því er víst öfugt farið í borg óttans. Verður líka gaman að horfa á sjónvarpið aftur er ekki búin að sjá sjónvarp né heyra útvarp í rétt rúma þrjá mánuði. Sem betur fer er ég með Friends safnið mitt með mér vá veit ekki hvað ég gerði ef ég væri ekki með það. Það verður líka fínt að komast aftur í gsm samband en það er eitthvað mjög lítið um það hérna. Líka rosa léttir að eiga það ekki á hættu að vera vakinn upp á nóttinni við mest pirrandi bjölllu sem fyrirfinnst, úff hvað mér bregður alltaf þegar hún hringir. Það er líka rosa spennandi að byrja í nýju vinnunni og æði að hitta alla vini mína og fjölskyldu. Ætla líka sko aldeilis að fara beint á mamas tacos um leið og ég kem bæinn og kíkja í bíó. En mest af öllu verður gaman að geta farið að sofa á hverju kvöldi með elsku manninum mínum, erum búin að vera allt of lengi aðskilin. En bla bla nóg um það ætli maður verði ekki að halda áfram að vinna:)

   sagði Lára kl 21:08
----------

   14.8.05  

Maja og Bergdís voru hjá mér um helgina. Fórum í gær á miðnætur flugelda sýningu upp í jökulsárlóni, það var alveg svarta þoka þannig að þetta var nú eiginlega bara mest hávaði sem við upplifðum. Ljósadýrðin var að mestu falin í þoku, þó sáum við eina og eina brjótast fram.

   sagði Lára kl 18:17
----------

   11.8.05  

Jæja gooooood morning people. Mín þykist eitthvað ætla að vera voða dugleg að skrifa en svo gerist bara ekki neitt. Núna eru ekki nema rétt um fimm vikur þangað til ég fer heim. Það er auðvitað bara voðalega ljúft. Er semsagt orðin hótelstýra á Fosshótel Lind þannig að það er alveg nóg að gera þegar í bæinn er komið.
Ég og minn heitt elskaði ætlum svo að skella okkur til Tyrklands í byrjun október og sleikja sólina þar í eins og 12 daga. Úff það verður ljúft get ég sagt ykkur. Eftir vælandi og öskrandi útlendinga í fjóra mánuði verður fínt að gerast bara einn sjálfur og láta stjana svolítið við sig.

Einn gæinn snappaði í morgunmatnum í morgun því marmelaðið kláraðist, hann gargaði og gargaði yfir fullan sal af fólki og sagði svo "og hvað á ég þá að borða..... ost????" Þú getur sko bara étið það sem úti frýs kallinn minn sama er mér fyrst þú þarft að vera með þessa stæla.
Já þessir útlendingar eru nú hver öðrum frekari og dónalegri en þetta er víst fólkið sem borgar launin mín þannig að það er víst best að gleypa bara úr þeim frekjuna með bros á vör:)

   sagði Lára kl 10:29
----------