29.5.05  

Jón Ingi kom í sveitina til mín í fyrradag. Það er auðvitað bara frábært. Sit núna yfir þessum tveimur hótelgestum sem eru í byggingunni og fylgist með þeim borða morgunmat.
Í gærkvöldi um eitt leitið leit ég út um gluggann því ég heyrði í bíl. Var það þá ekki bara lögreglubíll, ég fékk alveg sjokk og byrjaði að pæla hvað hefði eiginlega gerst. Koma þá ekki tveir af ítölunum mínum út úr bílnum. Þá höfðu þessar elskur leigt bíl fyrr um daginn því ég gaf þeim öllum frí í dag. Ekki nóg með það heldur ákváðu þau einmitt að fyrsti dagurinn sem þau væri með bíl væri líka upplagt að hafa sem fyrsta daginn sem þau fara á barinn. Þannig að þau fóru og drukku ýmist þrjá romm í kók og þrjá brennivín eða þrjá bjóra og þrjá brennivín, og fóru svo að keyra. Gahhh..... á Ítalíu er vaninn að fá sér einn bjór og keyra svo sögðu þau svo...... þið drukkuð bara aðeins meira en einn bjór elskurnar. Síðan reyndu þau að hlaupa inn í eldhús þegar ég kom að fram að athuga með þau. Frekar skondið allt saman samt sem áður. Það verður forvitnilegt að komast að því hvort þau komist alla leið á Egilsstaði eins og ætlunin var.

   sagði Lára kl 07:48
----------

   26.5.05  

Jæja skvísan farin að starfa sem hótelstýra og hana nú.
Búin að vera í sveitinn núna síðan 13.maí. Allt er svona að komast í fastar skorður og gestirnir byrjaðir að koma hægt og örugglega. Erum nú reyndar búin að fá 4 hópa og slatta af einstaklingum.
Brjálaðir þjóðverjar sem vekja mann sex á morgnanna til að skila hárþurrku og þar fram eftir götunum. Hef þetta bara stutt að sinni en lofa að vera dugleg að henda inn sögum undan jökli:)

   sagði Lára kl 20:37
----------