21.11.04  

Ekkert að gerast
Helgin bara að verða búin, það er svosem ágætt er í fríi á morgun meira að segja:)
Fór heim eftir vinnu í gær og eldaði mér dýrindis pasta og plantaði mér fyrir framan sjónvarpið. Var ekki með neina bók til að lesa því það var svo lítið að gera í vinnunni að ég kláraði hana þar. Síðan hringdi ástin mín (í þriðja skiptið þann daginn) jiii hvað það er erfitt að bíða eftir honum:( Henti mér síðan í sturtu og fór bara snemma að sofa.

   sagði Lára kl 09:58
----------

   20.11.04  

Enn einn laugardagurinn.......
.......sem ég vakna ekki þunn:) Djammarinn bara alveg að verða horfinn.
Maja systir gisti hjá mér í gær, stutt fyrir hana að fara í vinnuna í morgun. Síðan um miðnætti var ég ný sofnuð, hrekk ég ekki upp við að einhver er að kalla inn um gluggann Lára, LÁRA ÉG ER LÆST ÚTI!!!! Læsti Maja sig þá ekki úti, algjör gúrka. Ég var ekki par sátt enda ný sofnuð grrrrrr.
Í dag er það svo bara vinnan til átta og ætli maður slappi ekki bara af eftir það, jafnvel að maður kíki í ljós. Verð að vera brún og sæt þegar kallinn kemur:) híhí.

   sagði Lára kl 10:23
----------

   19.11.04  

Mmmmmmmmm
Fór á jólahlaðborð í Perlunni í gærkvöldi. Þetta var svona boð fyrir starfsfók í gestamóttökum og ferðaskrifstofum. Þetta var ekkert smá flott og maturinn alveg geggjaður. Fékk mér meðal annars nautatungu, sveppasúpu, grafinn lax, parma gölt, hamborgarahrygg, kavíar, kalkún og hreindýr þessu öllu saman var svo skolað niður með dýrindis rauðvíni. Eftirréttirnir voru heldur ekki síðri þannig að það er eins gott að taka vel á í ræktinni í kvöld.

Annars er bara allt það sama vinna og vinna og bíða eftir að maðurinn minn komi heim......... get ekki beðið. Hann er búinn að vera í burtu núna í TVÆR vikur og kemur hugsanlega ekki fyrr en eftir eina viku í viðbót:(

   sagði Lára kl 09:26
----------

   1.11.04  

Fínasta helgi liðin:)
Helgin var bara svona ljómandi fín. Jón Ingi kom í land á föstudagsmorguninn og stoppaði í sólarhring. Það var alveg yndislegt, vorum bara heima og höfðum það gott.
Á laugardagskvöldið fór ég síðan í mat til Bergdísar, það var alveg geggjað, hún var með mexikó kjúklingasúpu sem er alveg snilld. Síðan var ég bara þar að dúllast eitthvað fram eftir kvöldi, aðeins að knúsa litlu dúlluna hana Ölmu Rán og svona. Hún er svo mikil rúsína:)
Dagurinn í gær fór svo bara að mestu leiti í vinnu fyrst frá 9-15 og síðan 16:30-23. Það þýðir víst lítið annað en að taka alla þá aukavinnu sem býðst þegar að maður þarf orðið að borga leigu og annað.

   sagði Lára kl 13:54
----------