19.12.03  

Léleg þjónusta á Hard Rock
Þar sem að ég er ekkert búin að taka þátt í jólageðveikinni þetta árið ákvað ég að bæta það upp í gær og arkaði í kringluna. Það vita það allir að það er ekki hægt að ganga um kringluna á þessum tíma ársins án þess að fá sér eins og einn kaldan áður. Þess vegna var byrjað á því að storma á Hard Rock til að undirbúa sig. Við vorum fimm saman. Ég, Erna og María pöntuðum nachsos, kjúklingavængi og franskar allar saman. Bjarni pantaði eitthvað combo og Beta pantaði bananasplitt. Síðan var það einn bjór á mann. Eftir að hafa þurft að sýna skilríki og jafnvel hlaupa út í bíl til að ná þau (vorum á aldrinum 21-32) byrjaði biðin. Eftir þó nokkra stund kom nachsosið. Við ruddum því í okkur eins og hungraðir úlfar. Þegar við vorum búnar að borða og ja næstum orðnar svangar aftur kom restin af pöntuninni. Þetta er svo ekki allt því þegar líða tók á verslunarleiðangurinn urðu ég og Erna aftur bjórþyrstar. Við auðvitað búnar að gleyma því sem á undan var gengið tókum stefnuna aftur á Harða rokkið. Jújú við fengum borð og settumst niður. Eftir þónokkra stund tókst okkur að panta tvo bjóra og tvö vatnsglös. Síðan tók við bið dauðans. Á meðan við biðum kom tvisvar sinnum fólk á borðið við hliðina á okkur og settist niður með matseðla en gafst upp og fór. Ég er ekki að grínast TVISVAR sinnum. Síðan þegar við vorum alvarlega að hugsa um að fara sjáum við að afgreiðslugálan lítur á okkur með svona "úpps ég gleymdi þeim svip" og snýr sér við og kemur með tvo bjóra. Vatnið kom síðan stuttu seinna. Það skal tekið fram að það var ekki útafþví að það væri og lítið af starfsfólki þarna eða of margir gestir. Ónei starfsfólkið einfaldlega snérist bara í hringi og vissi varla hvort það væri að koma eða fara. Síðan þegar við erum að fara heyrum við útundan okkur tvær konur tala saman. "Við komum sko ekki aftur hingað í bráð" segir önnur þeirra. Við litum á hvor aðra sammála um að gera það ekki heldur.

   sagði Lára kl 10:58  

Djammið síðustu helgi
Ekki seinna vænna að segja frá síðustu helgi þar sem að það er að koma enn ein helgin. Föstudagstjúttið byrjaði semsagt með jólagleði niðri á Fosshótel Barón. Þar tróðum við okkur út af karabískum mat (voða jólalegt ég veit), drukkum smá öl og reyndum að gleðjast öll saman á góðri stund. Þetta var nú svosem alveg ágætt. En þar sem að stefnan mín er sú að drekka ekki meira en kannski tvo bjóra í vinnusamkvæmum, var þarna fólk sem skemmti sér betur en ég. En ég bætti það sko upp þegar leið á kvöldið og ég hafði fært mig um set. Ójá um ellefu kom nefnilega hún Erna ofurtútta ásamt fríðuföruneyti að ná mig. Við máluðum síðan bæinn eða allavega hluta af honum rauðan. Eftir bæinn stauluðumst við síðan í eitthvað partý, ef partý skildi kalla. Ég var síðan komin heim um hádegi.
Á laugardagskvöldinu bætti ég síðan fyrir allan karabíska matinn sem ég borðaði á jólagleði gærkvöldsins og skellti mér á jólahlaðborð. Hann Óli í Carpe Diem var nefnilega svo almennilegur að bjóða okkur í móttökunni í hlaðborð hjá sér. Það var auðvitað að vanda alveg stórkostlegt. Eftir hlaðnaborðið plataði ég hann Valla til að drekka nokkra öl með mér, en þar sem að hann er ekki jafn harður djammari og ég varð hann frá að hverfa þegar leið á kvöldið. Ég stakk mér þá auðvitað bara í bæinn og hitti gengið. Við tjúttuðum auðvitað langt fram á morgun eins okkur einum er lagið. Skelltum okkur meira að segja í partý eftir bæinn jájájá.

   sagði Lára kl 09:51
----------

   11.12.03  

Þreyta
Ég fór í heimsókn til hennar Beggu í gær og við ákváðum að ég ætlaði bara að gista hjá henni. Síðan setjumst við bara í sófann og förum að ræða málin. En hvað haldið þið, mín steinsofnar bara. Næ síðan rétt að staulast inn í rúm einhverntíman um nóttina. Vakna síðan við símann 7:40 þá er það Bjarki næturvörður að spurja hvort ég vilji ekki bara mæt tólf og vera þá til tólf í staðin. Ég hélt það nú og steinsofnaði aftur. Vakna síðan ekkert fyrr en 12:10 átti eins og fyrr sagði að mæta 12:00. En það bjargaðist alveg og ég er semsagt að vinna núna til klukkan 00:30 í nótt.

   sagði Lára kl 17:51
----------

   10.12.03  

Forsetasvítan og heitur pottur
Jamm og já það er alltaf nóg að gera. Á mánudagskvöldið hringdi Erna í mig og skipaði mér að mæta upp í forsetasvítuna á Hótel Sögu. Ég geri auðvitað alltaf það sem mér er sagt að gera þannig að ég dreif mig af stað. Þar vorum við síðan alla nóttina ásamt fleirum að sötra bjór og hafa það skemmtilegt. Algjör snilld. Og það sem er enþá betra er að strákarnir eru líka búnir að panta svítuna fyrir gamlárskvöld. Það eru RISA svalir sem ná næstum í kringum allt húsið og það verður geggjað að horfa á flugeldana á miðnætti þaðan.
Svo í gær fór ég, Erna, Gísli og Bjarni á Mekka sport og leigðum heita pottinn. Þar láum við í 3 og 1/2 tíma og drukkum bjór og hlógum og spjölluðu. Stoppuðum fyrst í Garðheimum og keyptum svona risa stórar baðkúlur með góðri lykt og olíu til að setja í pottinn þannig að þetta var voða kósí hjá okkur.

Næsta helgi er svo að verða fullbókuð líka á föstudagskvöldið er einhver jólagleði niðri á Baron fyrir Fosshótel og á laugardaginn förum við sem erum að vinna á Lindinni í jólahlaðborð á Carpe Diem.

   sagði Lára kl 16:21
----------

   5.12.03  

Hjálp óskast!!
Ég sem er svo ægilega skörp og sniðugt stelpa kann ekki neitt á þetta blogg dótarí. Þess vegna ef einhver myndi vera svo vænn að hressa lítillega upp á síðuna mína kannski smella inn lit eða einhverju öðru sætu, þá væri það meira en vel þegið:)

   sagði Lára kl 16:04  

Veikindi dauðans
Ég sem verð aldrei veik, er bara alltaf veik. Veiktist í þar síðustu viku og lá í 4 daga. Síðan núna í vikunni byrjaði ég að verða slöpp á mánudag og lá svo þri, mið og fim. Ussu svei nú þarf ég að fara að dæla í mig vítamínum og bætiefnum. Þetta gengur ekki svona.
Annars gengur lífið bara sinn vanagang. Er að vinna núna og verð að vinna alla helgina þannig að það verður lítið annað gert. Sem er kannski bara eins gott. Fínt að spara aðeins peningana sína. Allavega þessa fáu sem eftir eru.
Næsta föstudag er svo einhver jólagleði í vinnunni. Matur og fínerí niðri á Barón.

   sagði Lára kl 15:58
----------