25.1.07  

Er komin með nýtt blogg:) Allir að uppfæra linkinn hjá sér http://www.blog.central.is/larasigridur

   sagði Lára kl 13:50
----------

   24.11.06  

Jájá mín bara bloggaði síðast í miðannarprófunum og það er vika í lokapróf. Það verður að hafa það. Lífið er alltaf jafn yndislegt. Jón Ingi er nýfarinn aftur út á sjó, var í viku fríi. Skelltum okkur upp í sumarbústað með Hrefnu og Magga á síðustu helgi og bara takk kærlega fyrir okkur. Þetta var algjört æði. Spiluðum og höfðum það skemmtilegt alla helgina.
Já fyrsta prófið eftir rétt tæpa viku, svo eru ósköpin búin 8.des og þá ætlum við HR skvísur aldeilis að sletta úr klaufunum.
Nú svo er það Rock star á fimmtudaginn líka, ætlum að fara saman allar systurnar. María er loksins að koma í bæinn, þó svo að við vitum reyndar ekki hvað lengi. Vonandi bara sem lengst.
Mamma er alltaf í útlöndum þessa dagana þannig ég er bara flutt inn á pabba, Hafrúnu og Yrju á meðan. Það er voða ljúft, ágætt að fá smá tilbreytingu og félagsskap.

   sagði Lára kl 14:08
----------

   20.10.06  

Þá eru miðannarprófin búin. Fékk einmitt loksins einkunnina mína úr stærðfræði prófinu í gær. Búin að bíða í tvær vikur og viti menn ég fékk 9,3. Ekkert voðalega leið með það:)

   sagði Lára kl 12:23
----------

   10.10.06  

Híhí stal þessu hjá Þórey.

Your Love Life Secrets Are

Looking back on your life, you will only have one true love. You're a little scarred from your past relationships, but who isn't? You want to be with someone who's a success. A person with the right job, right family, right clothes... In fights, you speak your mind and don't hold back. You know you're right, and you can get quite angry about it. A break-up usually comes as a shock to you. You always think things are going well.

Your Love Life Secrets, Revealed

   sagði Lára kl 09:37
----------

   29.9.06  

Brjálað að gera.
Úff púff það er ekkert smá mikið að gera hjá minni núna. Fer út fyrir átta alla morgna og er aldrei komin heim fyrr í fyrsta lagi 23:00 í gær var ég meira að segja uppi í skóla að læra til kl 00:30. Það eru að koma próf og stressið er aðeins farið að segja til sín. Þetta er aðeins erfiðara en ég hélt ef ég að að segja alveg eins og er.
Helgin verður tekin í stærðfræði maraþon því fyrsta prófið er einmitt stæ sem er á fimmtudaginn næsta. Þannig að það er eins gott að vera vel undirbúin. Síðan er það auðvitað afmælið hjá drottningunni henni Unni á laugardaginn. Og jú ætli maður skreppi í ræktina líka. Það má víst ekki gleyma því.
Annars er kallinn alltaf á sjónum og ég er ekki búin að sjá hann núna í næstun tvær vikur, sakna hans ekkert smá.
Ég ætla sko að reyna að fara til útlanda í desember bara við tvö að slappa af. Ekki veitir af eftir þessa önn í skólanum.
Síðan er alveg brjálað að gera í vinnunni líka, búið að henda fullt af nýjum verkefnum á mig. Það má með sanni segja að mér leiðist ekki eina einustu mínutu sólarhrinsins.

   sagði Lára kl 11:05
----------

   11.7.06  

Jæja já. Ekkert búin að blogga í langan langan tíma. Lífið svosem gengur sinn vanagang eins og alltaf. Fórum eina viku upp í sumarbústað og höfðum það kósý. Er búin að fara tvisvar vestur í sveitina mína. Það er alltaf yndislegt. Mín bara orðin hörku fjósakona og mætti í mjaltir tvisvar á dag. Reyndar undir styrkri handleiðslu litlu systir minna sem er yfirfjósakona. Ekkert smá dugleg þessi elska. Nú síðan fórum við upp í veiðivötn á síðstu helgi og vorum þar í tvær nætur. Ekkert smá fallegt þarna. Fengum svaka gott veður en ekkert of marga fiska reyndar. Nú mín skellti sér síðan til Grænlands síðasta fimmtudag í dagsferð í boði flugfélagsins. Það var ekkert smá magnað fengum snilldar veður og fararstjórnin var líka til mikillar prýði. Ekkert smá hvað þetta fólk lifir öðruvísi lífi en við. Ég fór til Kulusuk þar sem búa um 300 manns og flestir hafa enga vinnu og lifa bara á ríkinu þannig fólk er bara úti að tjilla að drekka bjór og láta sér líða vel. Reyndar var ekkert skip búið að koma síðan í október þannig það var frekar fátæklegt um að litast í kaupfélaginu. Auðvitað var farið í minjagripabúðina og ég labbaði út með geggjaða selsskins hanska. Síðan var auðvitað fríhöfnin á leiðinni heim. Ekki amalegt það. Já ég er síðan að fara í Háskólann í Reykjavík í haust með vinnunni þannig að eftir 3 ár verður mín orðinn viðskiptafræðingur með meiru:)
Jamm og já ætli þetta sé ekki bara gott í bili ég læt heyra í mér við tækifæri.

   sagði Lára kl 16:31
----------

   29.6.06  

Enginn veit hvað átt hefur fyrr en misst hefur.
Elsku hjartans litli hundurinn okkar hún Táta er dáin. Hún varð fyrir bíl föstudaginn 23. júní og lést skömmu síðar. Heimilið hefur verið undilagt af sorg því hún var ekkert annað en ein af fjölskyldunni. Hún átti hug og hjarta okkar allra. Við söknum hennar óendanlega mikið og langar svo til að knúsa hana þó svo að það væri ekki nema einu sinni enn. Ég veit að hún er á góðum stað núna og er eflaust að ráðskast til með hina hundana eins og henni einni er lagið.

Hvíldu í friði elsku hjartans Táta okkar. Ég veit þú ert að fylgjast með okkur.

   sagði Lára kl 14:41
----------